Для удобства чтения после Канона за болящЕГО размещён Канон за болящУЮ. Это тот же самый канон, но в нём все слова, относящиеся к человеку, о котором возносятся моления, стоят в женском роде. А далее помещён Канон за болящИХ — во множественном числе.

 

 

Содержание:

КАНОН ЗА БОЛЯЩЕГО

КАНОН ЗА БОЛЯЩУЮ

КАНОН ЗА БОЛЯЩИХ

 

 

КАНОН ЗА БОЛЯЩЕГО

 

Песнь 1.

 

Ирмос: Пресека́емое мо́ре жезло́м дре́вле, Изра́иль про́йде я́ко по пусты́ни, и крестообра́зно я́ве, предуготовля́ет стези́. Сего́ ра́ди пои́м во хвале́нии чу́дному Бо́гу на́шему, я́ко просла́вися.

Ми́лостиве Го́споди, услы́ши моли́тву раб Свои́х, моля́щихся Тебе́.

В день печа́ли наше́дшия на ны к Тебе́, Христе́ Спа́се, припа́дающе, Твоея́ ми́лости про́сим. Облегчи́ боле́знь раба́ Твоего́ (имярек), изреки́ нам, я́ко со́тнику: иди́, се здрав есть о́трок твой.

Ми́лостиве Го́споди, услы́ши моли́тву раб Свои́х, моля́щихся Тебе́.

Мольбы́ и моле́ния с воздыха́нием к Тебе́ вопие́м, Сы́не Бо́жий: поми́луй нас. Воздви́гни со одра́ лежа́щаго (имярек), я́ко разсла́бленнаго сло́вом: возьми́ одр твой, глаго́ля, отпуща́ются ти греси́ твои́.

Слава: Твоего́, Христе́, о́браза подо́бию покланя́ющиеся, ве́рою целу́ем, и боля́щему (имярек) здра́вия про́сим, подража́юще кровоточи́вей, я́же подо́льца риз Твои́х косну́ся и исцеле́ние неду́га прия́т.

И ныне: Пречи́стая Госпоже́ Богоро́дице, всем изве́стная Помо́щница, не пре́зри нас к Тебе́ припа́дающих, моли́ я́ко бла́га Своего́ Сы́на и Бо́га на́шего да́ти здра́вие боля́щему (имярек), да Тя с на́ми прославля́ет.

 

Песнь 3.

 

Ирмос: И́же от не су́щих вся приведы́й, сло́вом созида́емая, соверша́емая Ду́хом Вседержи́телю Вы́шний, в любви́ Твое́й утверди́ мене́.

Ми́лостиве Го́споди, услы́ши моли́тву раб Свои́х, моля́щихся Тебе́.

И́же от тя́жких боле́зней на земли́ пове́ржен к Тебе́, Христе́, (имярек) с на́ми вопие́т, пода́ждь здра́вие телеси́ его́, я́коже и Езеки́и пла́кавшуся к Тебе́.

Ми́лостиве Го́споди, услы́ши моли́тву раб Свои́х, моля́щихся Тебе́.

При́зри, Го́споди, на на́ше смире́ние и не помяни́ беззако́ний на́ших, но ве́ры ра́ди боля́щаго (имярек), я́ко прокаже́ннаго сло́вом, исцели́ ему́ боле́знь, да Твое́, Христе́ Бо́же, сла́вится и́мя.

Слава: Це́рковь, ю́же еси́ освяти́л, на ту, Христе́, не даждь поноше́ния, но воздви́гни неви́димо в неду́зе на одре́ лежа́щаго (имярек), в не́йже мо́лим Ти ся: да не реку́т неве́рнии, где есть Бог их.

И ныне: К Твоему́ пречи́стому, Богоро́дице, о́бразу ру́це возде́юще вопие́м: услы́ши раб Твои́х моли́тву и спаси́ в боле́зни лежа́щаго (имярек), да от боле́зни воста́в, возда́ст обе́ты, я́же в печа́ли глаго́лаша уста́ его́.

 

Седален: На одре́ грехо́внем лежа́ща мя, и страстьми́ уя́звлена, и я́коже воздви́гл еси́ Петро́ву те́щу и спасе́ разсла́бленнаго носи́ма со одро́м, та́ко и ны́не посети́, Ми́лостиве, боля́щаго, понесы́й неду́ги ро́да на́шего. Тебе́ Еди́наго ве́мы терпели́ва и милосе́рда, ми́лостива врача́ душа́м и телесе́м, Христа́ Бо́га на́шего, наводя́ща неду́ги и па́ки исцеля́юща, подава́юща проще́ние ка́ющимся о согреше́ниих, Еди́наго Милосе́рдаго и Ми́лостиваго.

Слава: Аз гре́шный пла́чуся на одре́ свое́м лежа́, проще́ние ми пода́ждь, Христе́ Бо́же, и от боле́зни сея́ воздви́гни мя, и я́же есмь от ю́ности грехи́ сотвори́л, избы́ти ми сих моли́твами Богоро́дицы да́руй.

И ныне: Умилосе́рдися и спаси́ мя, воздви́гни мя от одра́ боле́зненнаго, мощь бо моя́ во мне изнемо́же и весь неча́янием одержи́м есмь, Ма́ти Бо́жия Пречи́стая, исцели́ неду́гующа лю́те, Ты бо еси́ Помо́щница христиа́ном.

 

Песнь 4.

 

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м благодаря́ще: сла́ва си́ле Твое́й, Го́споди.

Ми́лостиве Го́споди, услы́ши моли́тву раб Свои́х, моля́щихся Тебе́.

Уже́ отча́янна лю́тым неду́гом и к сме́рти прибли́жившася (имярек) возврати́, Христе́, на живо́т и даждь пла́чущимся уте́ху, да вси прославля́ем Твоя́ свята́я чудеса́.

Ми́лостиве Го́споди, услы́ши моли́тву раб Свои́х, моля́щихся Тебе́.

Тебе́, Тво́рче, ка́емся во свои́х гресе́х, я́ко не хо́щеши сме́рти гре́шничи, оживи́, уздра́ви боля́щаго (имярек), да возста́в послу́жит Ти, испове́дуя с на́ми Твою́ бла́гость.

Слава: Сле́зы Манаси́ины, ниневи́тян покая́ние, Дави́дово испове́дание прии́м, вско́ре спасл еси́, и на́ши моли́твы ны́не приими́, даждь здра́вие боля́щему (имярек), о не́мже Тя мо́лим.

И ныне: Пода́ждь нам Твою́ ми́лость, Госпоже́, всегда́ на Тя наде́ющимся, испроси́ здра́вие боля́щему (имярек), враче́бнии Твои́ ру́це с Предте́чею, Богоро́дице, ко Го́споду Бо́гу простира́ющи.

 

Песнь 5.

 

Ирмос: На земли́ неви́димый яви́лся еси́, и челове́ком во́лею сожи́л еси́ непости́жимый, и к Тебе́ у́тренююще, воспева́ем Тя, Человеколю́бче.

Ми́лостиве Го́споди, услы́ши моли́тву раб Свои́х, моля́щихся Тебе́.

Дщерь Иаи́рову уже́ уме́ршу, я́ко Бог оживи́л еси́, и ны́не возведи́, Христе́ Бо́же, от врат сме́ртных боля́щаго (имярек), Ты бо еси́ путь и живо́т всем.

Ми́лостиве Го́споди, услы́ши моли́тву раб Свои́х, моля́щихся Тебе́.

Сы́на вдови́ча оживи́в, Спа́се, и тоя́ сле́зы преложи́в на ра́дость, спаси́ от неду́га тле́ющаго раба́ Своего́ (имярек), да и на́ша скорбь и боле́знь на ра́дость прии́дет.

Слава: О́гненну боле́знь Петро́ве те́ще прикоснове́нием Твои́м исцели́в, и ны́не возста́ви боля́щаго раба́ Твоего́ (имярек), да воста́в, я́ко Ио́на, послу́жит Ти.

И ныне: Ско́рбнии, смире́нии, гре́шнии, не иму́щии дерзнове́ния к Тебе́, Пречи́стая Богома́ти, вопие́м: умоли́ Сы́на Своего́ Христа́ да́ти боля́щему (имярек) здра́вие телеси́.

 

Песнь 6.

 

Ирмос: Бе́здна после́дняя грехо́в обы́де мя, и исчеза́ет дух мой: но простры́й, Влады́ко, высо́кую Твою́ мы́шцу, я́ко Петра́ мя Упра́вителю, спаси́.

Ми́лостиве Го́споди, услы́ши моли́тву раб Свои́х, моля́щихся Тебе́.

Бе́здну милосе́рдия и ми́лости име́я, Христе́ Бо́же, услы́ши моле́ния раб Твои́х. Ты бо еси́ Петро́м Тави́фу воскреси́в, Ты и ны́не в боле́зни лежа́щаго (имярек) воздви́гни, послу́шав церко́вных моли́твенник.

Ми́лостиве Го́споди, услы́ши моли́тву раб Свои́х, моля́щихся Тебе́.

Врачу́ душа́м и телесе́м на́шим, понесы́й неду́ги всего́ ми́ра, Христе́, и Ене́я Па́влом исцели́вый, Ты и ны́не боля́щаго (имярек) исцели́, святы́х апо́стол моли́твами.

Слава: Преложи́, Христе́, на ра́дость рыда́ние о неду́жнем (имярек) скорбя́щих, да Твою́ получи́в ми́лость, вни́дет в дом Твой, со обе́тными дарми́, сла́вяща Тя в Тро́ице Еди́наго Бо́га.

И ныне: Прииди́те, о дру́зи, поклони́мся моля́щеся о боля́щем (имярек) Бо́жией Ма́тери. Та бо име́ет власть неду́жныя исцеля́ти, со безме́здникома вку́пе, духо́вным неви́димо помазу́юще ма́слом.

 

Кондак: Ду́шу мою́, Го́споди, во гресе́х вся́ческих, безме́стными дея́ньми разсла́блену, воздви́гни Боже́ственным Свои́м человеколю́бием, я́коже и разсла́бленнаго воздви́гл еси́ дре́вле, да зову́ Ти спаса́ем: ще́дре Христе́, даждь ми исцеле́ние.

Икос: И́же руки́ Своея́ го́рстию содержа́й концы́, Иису́се Бо́же, И́же Отцу́ Собезнача́льный и Ду́ху Свято́му совлады́чествуя, я́ко пло́тию, яви́лся еси́, неду́ги исцеля́я, и стра́сти очи́стил еси́, слепы́я просвети́л еси́, и разсла́бленнаго сло́вом Боже́ственным совозста́вил еси́, сего́ пра́во ходя́ща сотвори́в, и одр повеле́л еси́ на ра́мо взя́ти. Те́мже вси с ним воспева́ем и пое́м: ще́дре Христе́, даждь ми исцеле́ние.

 

Песнь 7.

 

Ирмос: Пре́жде о́бразу злато́му, перси́дскому чти́лищу о́троцы не поклони́шася, трие́ пою́ще посреде́ пе́щи: отце́в Бо́же, благослове́н еси́.

Ми́лостиве Го́споди, услы́ши моли́тву раб Свои́х, моля́щихся Тебе́.

О Кре́сте Пресвяты́й Христо́в, Честно́е Дре́во живо́тное, тобо́ю смерть поги́бе и ме́ртвии воскресо́ша, и ны́не боля́щаго (имярек) исцели́ и оживи́, я́коже при Еле́не уме́ршую деви́цу.

Ми́лостиве Го́споди, услы́ши моли́тву раб Свои́х, моля́щихся Тебе́.

До́лгую и лю́тую боле́знь И́овлю на гно́ищи и в че́рвех того́ моля́щася, слово́м исцели́л еси́, Го́споди. И ны́не же в Це́ркви о боля́щем (имярек) мо́лим Тя: я́ко благ исцели́ неви́димо моли́твами святы́х Твои́х.

Слава: Вси ве́мы, я́ко умре́ти нам есть, Тебе́ Бо́гу та́ко изво́лившу, но на ма́ло вре́мя, Ми́лостиве, здра́вия про́сим боля́щему (имярек), премени́ от сме́рти на живо́т, даждь скорбя́щим уте́ху.

И ныне: Посо́бствуй и помога́й на́шему сиро́тству, Богоро́дице, Ты бо ве́си вре́мя и час, егда́ умоли́ти Сы́на Твоего́ и Бо́га на́шего, да́ти боля́щему (имярек) здра́вие и проще́ние от всех грех.

 

Песнь 8.

 

Ирмос: Служи́ти живо́му Бо́гу, в Вавило́не о́троцы претерпе́вше, о мусики́йских орга́нех неради́ша, и посреде́ пла́мени стоя́ще боголе́пную песнь воспева́ху, глаго́люще: благослови́те вся дела́ Госпо́дня Го́спода.

Ми́лостиве Го́споди, услы́ши моли́тву раб Свои́х, моля́щихся Тебе́.

Ми́лость покажи́, Влады́ко, в боле́зни раба́ Твоего́ (имярек), и ско́ро исцели́, ми́лостиве Христе́ Бо́же, и еще́ сме́рти не преда́ждь су́дней, да Ти покая́ние возда́ст. Сам бо рекл еси́: не хощу́ сме́рти гре́шничи.

Ми́лостиве Го́споди, услы́ши моли́тву раб Свои́х, моля́щихся Тебе́.

Го́споди ми́лостиве, Твоя́ пресла́вная чудеса́ да и до нас ны́не дости́гнут: бе́сы прожени́, неду́ги погуби́, ра́ны исцели́, боле́зни уврачу́й, и потво́ры и чароде́яния, и вся́кие я́зи изба́ви ны.

Слава: Запрети́вый, Христе́, морски́м ве́тром, и страх учени́к на ра́дость преложи́вый, запрети́ и ны́не тя́жким боле́знем, тружда́ющим раба́ Твоего́ (имярек), да вси возвесели́мся, хва́ляще Тя во ве́ки.

И ныне: Изба́ви, Богоро́дице, от обыше́дших ны печа́лей, разли́чных неду́г, отра́вы же и чароде́йства, и бесо́вского мечта́ния, и от наве́та злых челове́к, и напра́сныя сме́рти, мо́лим ти ся.

 

Песнь 9.

 

Ирмос: На Сина́йстей горе́ ви́де Тя в купине́ Моисе́й, неопа́льно огнь Божества́ заче́ншую во чре́ве; Дании́л же Тя ви́де го́ру несеко́мую, жезл прозя́бший, Иса́ия взыва́ше, от ко́рене Дави́дова.

Ми́лостиве Го́споди, услы́ши моли́тву раб Свои́х, моля́щихся Тебе́.

Исто́чниче жи́зни, пода́телю, Христе́, ми́лости, не отврати́ лица́ Твоего́ от нас. Обле́гчи боле́знь утружде́нному боле́знею (имярек), и воздви́гни я́ко Фадде́ем А́вгаря, да при́сно Тебе́ сла́вит, со Отце́м и Святы́м Ду́хом.

Ми́лостиве Го́споди, услы́ши моли́тву раб Свои́х, моля́щихся Тебе́.

Ева́нгельскому ве́рующе гла́су, Твоего́ и́щем обе́та, Христе́: проси́те, рекл еси́ бо, рече́, и да́стся вам. Тем и ны́не предстоя́ще мо́лим Тя, возста́ви со одра́ здра́ва лю́тым пове́ржена неду́гом (имярек), да Тя с на́ми вку́пе велича́ет.

Слава: Му́чимый неду́гом, внутрь неви́димыми ра́нами, Тебе́, Христе́, с на́ми вопие́т, не нам, Го́споди, не нас ра́ди, вси бо испо́лнены грехо́в, но Ма́терними Ти и Предте́чевыми моли́твами даждь исцеле́ние боля́щему (имярек), да Тя вси возвели́чим.

И ныне: Бо́жия Ма́ти Пречи́стая, со все́ми святы́ми призыва́ем Тя, со А́нгелы и Арха́нгелы, со проро́ки и патриа́рхи, со апо́столы, с преподо́бными и пра́ведными моли́ся Христу́ Бо́гу на́шему да́ти здра́вие боля́щему (имярек), да Тя вси велича́ем.

 

Катавасия: Сохрани́ от ско́рби, от боле́зни, от неду́га тя́жкаго раба́ Своего́ боля́щаго (имярек), Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Иису́су.

 

Молитва

 

Бо́же си́льный, ми́лостию стро́яй вся на спасе́ние ро́ду челове́ческому, посети́ раба́ Своего́ (имярек), нарица́юща и́мя Христа́ Твоего́, исцели́ его́ от вся́каго неду́га плотска́го и душе́внаго; и отпусти́ грех, и грехо́вные собла́зны, и вся́ку напа́сть, и вся́ко наше́ствие неприя́зненно дале́че сотвори́ от раба́ Твоего́. И воздви́гни от одра́ грехо́внаго, и устро́й его́ во Святу́ю Твою́ Це́рковь здра́ва душе́ю и те́лом, и де́лы до́брыми сла́вящаго со все́ми людьми́ и́мя Христа́ Твоего́, я́ко Тебе́ сла́ву возсыла́ем, со Единоро́дным Твои́м Сы́ном, и со Святы́м Ду́хом ны́не и при́сно и во ве́ки веко́в. Ами́нь.

 

 

 

КАНОН ЗА БОЛЯЩУЮ

 

Песнь 1.

 

Ирмос: Пресека́емое мо́ре жезло́м дре́вле, Изра́иль про́йде я́ко по пусты́ни, и крестообра́зно я́ве, предуготовля́ет стези́. Сего́ ра́ди пои́м во хвале́нии чу́дному Бо́гу на́шему, я́ко просла́вися.

Ми́лостиве Го́споди, услы́ши моли́тву раб Свои́х, моля́щихся Тебе́.

В день печа́ли наше́дшия на ны к Тебе́, Христе́ Спа́се, припа́дающе, Твоея́ ми́лости про́сим. Облегчи́ боле́знь рабы́ Твоея́ (имярек), изреки́ нам, я́ко со́тнику: иди́, се здрав есть о́трок твой.

Ми́лостиве Го́споди, услы́ши моли́тву раб Свои́х, моля́щихся Тебе́.

Мольбы́ и моле́ния с воздыха́нием к Тебе́ вопие́м, Сы́не Бо́жий: поми́луй нас. Воздви́гни со одра́ лежа́щую (имярек), я́ко разсла́бленнаго сло́вом: возьми́ одр твой, глаго́ля, отпуща́ются ти греси́ твои́.

Слава: Твоего́, Христе́, о́браза подо́бию покланя́ющиеся, ве́рою целу́ем, и боля́щей (имярек) здра́вия про́сим, подража́юще кровоточи́вей, я́же подо́льца риз Твои́х косну́ся и исцеле́ние неду́га прия́т.

И ныне: Пречи́стая Госпоже́ Богоро́дице, всем изве́стная Помо́щница, не пре́зри нас к Тебе́ припа́дающих, моли́ я́ко бла́га Своего́ Сы́на и Бо́га на́шего да́ти здра́вие боля́щей (имярек), да Тя с на́ми прославля́ет.

 

Песнь 3.

 

Ирмос: И́же от не су́щих вся приведы́й, сло́вом созида́емая, соверша́емая Ду́хом Вседержи́телю Вы́шний, в любви́ Твое́й утверди́ мене́.

Ми́лостиве Го́споди, услы́ши моли́тву раб Свои́х, моля́щихся Тебе́.

И́же от тя́жких боле́зней на земли́ пове́ржена к Тебе́, Христе́, (имярек) с на́ми вопие́т, пода́ждь здра́вие телеси́ ея́, я́коже и Езеки́и пла́кавшуся к Тебе́.

Ми́лостиве Го́споди, услы́ши моли́тву раб Свои́х, моля́щихся Тебе́.

При́зри, Го́споди, на на́ше смире́ние и не помяни́ беззако́ний на́ших, но ве́ры ра́ди боля́щей (имярек), я́ко прокаже́ннаго сло́вом, исцели́ ей боле́знь, да Твое́, Христе́ Бо́же, сла́вится и́мя.

Слава: Це́рковь, ю́же еси́ освяти́л, на ту, Христе́, не даждь поноше́ния, но воздви́гни неви́димо в неду́зе на одре́ лежа́щую (имярек), в не́йже мо́лим Ти ся: да не реку́т неве́рнии, где есть Бог их.

И ныне: К Твоему́ пречи́стому, Богоро́дице, о́бразу ру́це возде́юще вопие́м: услы́ши раб Твои́х моли́тву и спаси́ в боле́зни лежа́щую (имярек), да от боле́зни воста́в, возда́ст обе́ты, я́же в печа́ли глаго́лаша уста́ ея́.

 

Седален: На одре́ грехо́внем лежа́ща мя, и страстьми́ уя́звлена, и я́коже воздви́гл еси́ Петро́ву те́щу и спасе́ разсла́бленнаго носи́ма со одро́м, та́ко и ны́не посети́, Ми́лостиве, боля́щаго, понесы́й неду́ги ро́да на́шего. Тебе́ Еди́наго ве́мы терпели́ва и милосе́рда, ми́лостива врача́ душа́м и телесе́м, Христа́ Бо́га на́шего, наводя́ща неду́ги и па́ки исцеля́юща, подава́юща проще́ние ка́ющимся о согреше́ниих, Еди́наго Милосе́рдаго и Ми́лостиваго.

Слава: Аз гре́шный пла́чуся на одре́ свое́м лежа́, проще́ние ми пода́ждь, Христе́ Бо́же, и от боле́зни сея́ воздви́гни мя, и я́же есмь от ю́ности грехи́ сотвори́л, избы́ти ми сих моли́твами Богоро́дицы да́руй.

И ныне: Умилосе́рдися и спаси́ мя, воздви́гни мя от одра́ боле́зненнаго, мощь бо моя́ во мне изнемо́же и весь неча́янием одержи́м есмь, Ма́ти Бо́жия Пречи́стая, исцели́ неду́гующа лю́те, Ты бо еси́ Помо́щница христиа́ном.

 

Песнь 4.

 

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м благодаря́ще: сла́ва си́ле Твое́й, Го́споди.

Ми́лостиве Го́споди, услы́ши моли́тву раб Свои́х, моля́щихся Тебе́.

Уже́ отча́янну лю́тым неду́гом и к сме́рти прибли́жившуся (имярек) возврати́, Христе́, на живо́т и даждь пла́чущимся уте́ху, да вси прославля́ем Твоя́ свята́я чудеса́.

Ми́лостиве Го́споди, услы́ши моли́тву раб Свои́х, моля́щихся Тебе́.

Тебе́, Тво́рче, ка́емся во свои́х гресе́х, я́ко не хо́щеши сме́рти гре́шничи, оживи́, уздра́ви боля́щую (имярек), да возста́в послу́жит Ти, испове́дуя с на́ми Твою́ бла́гость.

Слава: Сле́зы Манаси́ины, ниневи́тян покая́ние, Дави́дово испове́дание прии́м, вско́ре спасл еси́, и на́ши моли́твы ны́не приими́, даждь здра́вие боля́щей (имярек), о не́йже Тя мо́лим.

И ныне: Пода́ждь нам Твою́ ми́лость, Госпоже́, всегда́ на Тя наде́ющимся, испроси́ здра́вие боля́щей (имярек), враче́бнии Твои́ ру́це с Предте́чею, Богоро́дице, ко Го́споду Бо́гу простира́ющи.

 

Песнь 5.

 

Ирмос: На земли́ неви́димый яви́лся еси́, и челове́ком во́лею сожи́л еси́ непости́жимый, и к Тебе́ у́тренююще, воспева́ем Тя, Человеколю́бче.

Ми́лостиве Го́споди, услы́ши моли́тву раб Свои́х, моля́щихся Тебе́.

Дщерь Иаи́рову уже́ уме́ршу, я́ко Бог оживи́л еси́, и ны́не возведи́, Христе́ Бо́же, от врат сме́ртных боля́щую (имярек), Ты бо еси́ путь и живо́т всем.

Ми́лостиве Го́споди, услы́ши моли́тву раб Свои́х, моля́щихся Тебе́.

Сы́на вдови́ча оживи́в, Спа́се, и тоя́ сле́зы преложи́в на ра́дость, спаси́ от неду́га тле́ющаго рабу́ Свою́ (имярек), да и на́ша скорбь и боле́знь на ра́дость прии́дет.

Слава: О́гненну боле́знь Петро́ве те́ще прикоснове́нием Твои́м исцели́в, и ны́не возста́ви боля́щую рабу́ Твою́ (имярек), да воста́в, я́ко Ио́на, послу́жит Ти.

И ныне: Ско́рбнии, смире́нии, гре́шнии, не иму́щии дерзнове́ния к Тебе́, Пречи́стая Богома́ти, вопие́м: умоли́ Сы́на Своего́ Христа́ да́ти боля́щей (имярек) здра́вие телеси́.

 

Песнь 6.

 

Ирмос: Бе́здна после́дняя грехо́в обы́де мя, и исчеза́ет дух мой: но простры́й, Влады́ко, высо́кую Твою́ мы́шцу, я́ко Петра́ мя Упра́вителю, спаси́.

Ми́лостиве Го́споди, услы́ши моли́тву раб Свои́х, моля́щихся Тебе́.

Бе́здну милосе́рдия и ми́лости име́я, Христе́ Бо́же, услы́ши моле́ния раб Твои́х. Ты бо еси́ Петро́м Тави́фу воскреси́в, Ты и ны́не в боле́зни лежа́щую (имярек) воздви́гни, послу́шав церко́вных моли́твенник.

Ми́лостиве Го́споди, услы́ши моли́тву раб Свои́х, моля́щихся Тебе́.

Врачу́ душа́м и телесе́м на́шим, понесы́й неду́ги всего́ ми́ра, Христе́, и Ене́я Па́влом исцели́вый, Ты и ны́не боля́щую (имярек) исцели́, святы́х апо́стол моли́твами.

Слава: Преложи́, Христе́, на ра́дость рыда́ние о неду́жней (имярек) скорбя́щих, да Твою́ получи́в ми́лость, вни́дет в дом Твой, со обе́тными дарми́, сла́вяща Тя в Тро́ице Еди́наго Бо́га.

И ныне: Прииди́те, о дру́зи, поклони́мся моля́щеся о боля́щей (имярек) Бо́жией Ма́тери. Та бо име́ет власть неду́жныя исцеля́ти, со безме́здникома вку́пе, духо́вным неви́димо помазу́юще ма́слом.

 

Кондак: Ду́шу мою́, Го́споди, во гресе́х вся́ческих, безме́стными дея́ньми разсла́блену, воздви́гни Боже́ственным Свои́м человеколю́бием, я́коже и разсла́бленнаго воздви́гл еси́ дре́вле, да зову́ Ти спаса́ем: ще́дре Христе́, даждь ми исцеле́ние.

Икос: И́же руки́ Своея́ го́рстию содержа́й концы́, Иису́се Бо́же, И́же Отцу́ Собезнача́льный и Ду́ху Свято́му совлады́чествуя, я́ко пло́тию, яви́лся еси́, неду́ги исцеля́я, и стра́сти очи́стил еси́, слепы́я просвети́л еси́, и разсла́бленнаго сло́вом Боже́ственным совозста́вил еси́, сего́ пра́во ходя́ща сотвори́в, и одр повеле́л еси́ на ра́мо взя́ти. Те́мже вси с ним воспева́ем и пое́м: ще́дре Христе́, даждь ми исцеле́ние.

 

Песнь 7.

 

Ирмос: Пре́жде о́бразу злато́му, перси́дскому чти́лищу о́троцы не поклони́шася, трие́ пою́ще посреде́ пе́щи: отце́в Бо́же, благослове́н еси́.

Ми́лостиве Го́споди, услы́ши моли́тву раб Свои́х, моля́щихся Тебе́.

О Кре́сте Пресвяты́й Христо́в, Честно́е Дре́во живо́тное, тобо́ю смерть поги́бе и ме́ртвии воскресо́ша, и ны́не боля́щую (имярек) исцели́ и оживи́, я́коже при Еле́не уме́ршую деви́цу.

Ми́лостиве Го́споди, услы́ши моли́тву раб Свои́х, моля́щихся Тебе́.

До́лгую и лю́тую боле́знь И́овлю на гно́ищи и в че́рвех того́ моля́щася, слово́м исцели́л еси́, Го́споди. И ны́не же в Це́ркви о боля́щей (имярек) мо́лим Тя: я́ко благ исцели́ неви́димо моли́твами святы́х Твои́х.

Слава: Вси ве́мы, я́ко умре́ти нам есть, Тебе́ Бо́гу та́ко изво́лившу, но на ма́ло вре́мя, Ми́лостиве, здра́вия про́сим боля́щей (имярек), премени́ от сме́рти на живо́т, даждь скорбя́щим уте́ху.

И ныне: Посо́бствуй и помога́й на́шему сиро́тству, Богоро́дице, Ты бо ве́си вре́мя и час, егда́ умоли́ти Сы́на Твоего́ и Бо́га на́шего, да́ти боля́щей (имярек) здра́вие и проще́ние от всех грех.

 

Песнь 8.

 

Ирмос: Служи́ти живо́му Бо́гу, в Вавило́не о́троцы претерпе́вше, о мусики́йских орга́нех неради́ша, и посреде́ пла́мени стоя́ще боголе́пную песнь воспева́ху, глаго́люще: благослови́те вся дела́ Госпо́дня Го́спода.

Ми́лостиве Го́споди, услы́ши моли́тву раб Свои́х, моля́щихся Тебе́.

Ми́лость покажи́, Влады́ко, в боле́зни рабы́ Твоея́ (имярек), и ско́ро исцели́, ми́лостиве Христе́ Бо́же, и еще́ сме́рти не преда́ждь су́дней, да Ти покая́ние возда́ст. Сам бо рекл еси́: не хощу́ сме́рти гре́шничи.

Ми́лостиве Го́споди, услы́ши моли́тву раб Свои́х, моля́щихся Тебе́.

Го́споди ми́лостиве, Твоя́ пресла́вная чудеса́ да и до нас ны́не дости́гнут: бе́сы прожени́, неду́ги погуби́, ра́ны исцели́, боле́зни уврачу́й, и потво́ры и чароде́яния, и вся́кие я́зи изба́ви ны.

Слава: Запрети́вый, Христе́, морски́м ве́тром, и страх учени́к на ра́дость преложи́вый, запрети́ и ны́не тя́жким боле́знем, тружда́ющим рабу́ Твою́ (имярек), да вси возвесели́мся, хва́ляще Тя во ве́ки.

И ныне: Изба́ви, Богоро́дице, от обыше́дших ны печа́лей, разли́чных неду́г, отра́вы же и чароде́йства, и бесо́вского мечта́ния, и от наве́та злых челове́к, и напра́сныя сме́рти, мо́лим ти ся.

 

Песнь 9.

 

Ирмос: На Сина́йстей горе́ ви́де Тя в купине́ Моисе́й, неопа́льно огнь Божества́ заче́ншую во чре́ве; Дании́л же Тя ви́де го́ру несеко́мую, жезл прозя́бший, Иса́ия взыва́ше, от ко́рене Дави́дова.

Ми́лостиве Го́споди, услы́ши моли́тву раб Свои́х, моля́щихся Тебе́.

Исто́чниче жи́зни, пода́телю, Христе́, ми́лости, не отврати́ лица́ Твоего́ от нас. Обле́гчи боле́знь утружде́нной боле́знею (имярек), и воздви́гни я́ко Фадде́ем А́вгаря, да при́сно Тебе́ сла́вит, со Отце́м и Святы́м Ду́хом.

Ми́лостиве Го́споди, услы́ши моли́тву раб Свои́х, моля́щихся Тебе́.

Ева́нгельскому ве́рующе гла́су, Твоего́ и́щем обе́та, Христе́: проси́те, рекл еси́ бо, рече́, и да́стся вам. Тем и ны́не предстоя́ще мо́лим Тя, возста́ви со одра́ здра́ву лю́тым пове́ржену неду́гом (имярек), да Тя с на́ми вку́пе велича́ет.

Слава: Му́чимая неду́гом, внутрь неви́димыми ра́нами, Тебе́, Христе́, с на́ми вопие́т, не нам, Го́споди, не нас ра́ди, вси бо испо́лнены грехо́в, но Ма́терними Ти и Предте́чевыми моли́твами даждь исцеле́ние боля́щей (имярек), да Тя вси возвели́чим.

И ныне: Бо́жия Ма́ти Пречи́стая, со все́ми святы́ми призыва́ем Тя, со А́нгелы и Арха́нгелы, со проро́ки и патриа́рхи, со апо́столы, с преподо́бными и пра́ведными моли́ся Христу́ Бо́гу на́шему да́ти здра́вие боля́щей (имярек), да Тя вси велича́ем.

 

Катавасия: Сохрани́ от ско́рби, от боле́зни, от неду́га тя́жкаго рабу́ Свою́ боля́щую (имярек), Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Иису́су.

 

Молитва

 

Бо́же си́льный, ми́лостию стро́яй вся на спасе́ние ро́ду челове́ческому, посети́ рабу́ Свою́ (имярек), нарица́ющу и́мя Христа́ Твоего́, исцели́ ея́ от вся́каго неду́га плотска́го и душе́внаго; и отпусти́ грех, и грехо́вные собла́зны, и вся́ку напа́сть, и вся́ко наше́ствие неприя́зненно дале́че сотвори́ от рабы́ Твоея́. И воздви́гни от одра́ грехо́внаго, и устро́й ея́ во Святу́ю Твою́ Це́рковь здра́ву душе́ю и те́лом, и де́лы до́брыми сла́вящую со все́ми людьми́ и́мя Христа́ Твоего́, я́ко Тебе́ сла́ву возсыла́ем, со Единоро́дным Твои́м Сы́ном, и со Святы́м Ду́хом ны́не и при́сно и во ве́ки веко́в. Ами́нь.

 

 

 

КАНОН ЗА БОЛЯЩИХ

 

Песнь 1.

 

Ирмос: Пресека́емое мо́ре жезло́м дре́вле, Изра́иль про́йде я́ко по пусты́ни, и крестообра́зно я́ве, предуготовля́ет стези́. Сего́ ра́ди пои́м во хвале́нии чу́дному Бо́гу на́шему, я́ко просла́вися.

Ми́лостиве Го́споди, услы́ши моли́тву раб Свои́х, моля́щихся Тебе́.

В день печа́ли наше́дшия на ны к Тебе́, Христе́ Спа́се, припа́дающе, Твоея́ ми́лости про́сим. Облегчи́ боле́зни рабо́в Твои́х (имярек), изреки́ нам, я́ко со́тнику: иди́, се здрав есть о́трок твой.

Ми́лостиве Го́споди, услы́ши моли́тву раб Свои́х, моля́щихся Тебе́.

Мольбы́ и моле́ния с воздыха́нием к Тебе́ вопие́м, Сы́не Бо́жий: поми́луй нас. Воздви́гни со одра́ лежа́щих (имярек), я́ко разсла́бленнаго сло́вом: возьми́ одр твой, глаго́ля, отпуща́ются ти греси́ твои́.

Слава: Твоего́, Христе́, о́браза подо́бию покланя́ющиеся, ве́рою целу́ем, и боля́щим (имярек) здра́вия про́сим, подража́юще кровоточи́вей, я́же подо́льца риз Твои́х косну́ся и исцеле́ние неду́га прия́т.

И ныне: Пречи́стая Госпоже́ Богоро́дице, всем изве́стная Помо́щница, не пре́зри нас к Тебе́ припа́дающих, моли́ я́ко бла́га Своего́ Сы́на и Бо́га на́шего да́ти здра́вие боля́щим (имярек), да Тя с на́ми прославля́ют.

 

Песнь 3.

 

Ирмос: И́же от не су́щих вся приведы́й, сло́вом созида́емая, соверша́емая Ду́хом Вседержи́телю Вы́шний, в любви́ Твое́й утверди́ мене́.

Ми́лостиве Го́споди, услы́ши моли́тву раб Свои́х, моля́щихся Тебе́.

И́же от тя́жких боле́зней на земли́ пове́ржены к Тебе́, Христе́, (имярек) с на́ми вопию́т, пода́ждь здра́вие телесе́м их, я́коже и Езеки́и пла́кавшуся к Тебе́.

Ми́лостиве Го́споди, услы́ши моли́тву раб Свои́х, моля́щихся Тебе́.

При́зри, Го́споди, на на́ше смире́ние и не помяни́ беззако́ний на́ших, но ве́ры ра́ди боля́щих (имярек), я́ко прокаже́ннаго сло́вом, исцели́ им боле́зни, да Твое́, Христе́ Бо́же, сла́вится и́мя.

Слава: Це́рковь, ю́же еси́ освяти́л, на ту, Христе́, не даждь поноше́ния, но воздви́гни неви́димо в неду́зех на одре́ лежа́щих (имярек), в не́йже мо́лим Ти ся: да не реку́т неве́рнии, где есть Бог их.

И ныне: К Твоему́ пречи́стому, Богоро́дице, о́бразу ру́це возде́юще вопие́м: услы́ши раб Твои́х моли́тву и спаси́ в боле́знях лежа́щих (имярек), да от боле́зней воста́в, воздаду́т обе́ты, я́же в печа́ли глаго́лаша уста́ их.

 

Седален: На одре́ грехо́внем лежа́ща мя, и страстьми́ уя́звлена, и я́коже воздви́гл еси́ Петро́ву те́щу и спасе́ разсла́бленнаго носи́ма со одро́м, та́ко и ны́не посети́, Ми́лостиве, боля́щаго, понесы́й неду́ги ро́да на́шего. Тебе́ Еди́наго ве́мы терпели́ва и милосе́рда, ми́лостива врача́ душа́м и телесе́м, Христа́ Бо́га на́шего, наводя́ща неду́ги и па́ки исцеля́юща, подава́юща проще́ние ка́ющимся о согреше́ниих, Еди́наго Милосе́рдаго и Ми́лостиваго.

Слава: Аз гре́шный пла́чуся на одре́ свое́м лежа́, проще́ние ми пода́ждь, Христе́ Бо́же, и от боле́зни сея́ воздви́гни мя, и я́же есмь от ю́ности грехи́ сотвори́л, избы́ти ми сих моли́твами Богоро́дицы да́руй.

И ныне: Умилосе́рдися и спаси́ мя, воздви́гни мя от одра́ боле́зненнаго, мощь бо моя́ во мне изнемо́же и весь неча́янием одержи́м есмь, Ма́ти Бо́жия Пречи́стая, исцели́ неду́гующа лю́те, Ты бо еси́ Помо́щница христиа́ном.

 

Песнь 4.

 

Ирмос: Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м благодаря́ще: сла́ва си́ле Твое́й, Го́споди.

Ми́лостиве Го́споди, услы́ши моли́тву раб Свои́х, моля́щихся Тебе́.

Уже́ отча́янных лю́тыми неду́гами и к сме́рти прибли́жившихся (имярек) возврати́, Христе́, на живо́т и даждь пла́чущимся уте́ху, да вси прославля́ем Твоя́ свята́я чудеса́.

Ми́лостиве Го́споди, услы́ши моли́тву раб Свои́х, моля́щихся Тебе́.

Тебе́, Тво́рче, ка́емся во свои́х гресе́х, я́ко не хо́щеши сме́рти гре́шничи, оживи́, уздра́ви боля́щих (имярек), да возста́в послу́жат Ти, испове́дуя с на́ми Твою́ бла́гость.

Слава: Сле́зы Манаси́ины, ниневи́тян покая́ние, Дави́дово испове́дание прии́м, вско́ре спасл еси́, и на́ши моли́твы ны́не приими́, даждь здра́вие боля́щим (имярек), о ни́хже Тя мо́лим.

И ныне: Пода́ждь нам Твою́ ми́лость, Госпоже́, всегда́ на Тя наде́ющимся, испроси́ здра́вие боля́щим (имярек), враче́бнии Твои́ ру́це с Предте́чею, Богоро́дице, ко Го́споду Бо́гу простира́ющи.

 

Песнь 5.

 

Ирмос: На земли́ неви́димый яви́лся еси́, и челове́ком во́лею сожи́л еси́ непости́жимый, и к Тебе́ у́тренююще, воспева́ем Тя, Человеколю́бче.

Ми́лостиве Го́споди, услы́ши моли́тву раб Свои́х, моля́щихся Тебе́.

Дщерь Иаи́рову уже́ уме́ршу, я́ко Бог оживи́л еси́, и ны́не возведи́, Христе́ Бо́же, от врат сме́ртных боля́щих (имярек), Ты бо еси́ путь и живо́т всем.

Ми́лостиве Го́споди, услы́ши моли́тву раб Свои́х, моля́щихся Тебе́.

Сы́на вдови́ча оживи́в, Спа́се, и тоя́ сле́зы преложи́в на ра́дость, спаси́ от неду́гов тле́ющих рабо́в Свои́х (имярек), да и на́ша скорбь и боле́знь на ра́дость прии́дет.

Слава: О́гненну боле́знь Петро́ве те́ще прикоснове́нием Твои́м исцели́в, и ны́не возста́ви боля́щих рабо́в Твои́х (имярек), да воста́в, я́ко Ио́на, послу́жат Ти.

И ныне: Ско́рбнии, смире́нии, гре́шнии, не иму́щии дерзнове́ния к Тебе́, Пречи́стая Богома́ти, вопие́м: умоли́ Сы́на Своего́ Христа́ да́ти боля́щим (имярек) здра́вие телеси́.

 

Песнь 6.

 

Ирмос: Бе́здна после́дняя грехо́в обы́де мя, и исчеза́ет дух мой: но простры́й, Влады́ко, высо́кую Твою́ мы́шцу, я́ко Петра́ мя Упра́вителю, спаси́.

Ми́лостиве Го́споди, услы́ши моли́тву раб Свои́х, моля́щихся Тебе́.

Бе́здну милосе́рдия и ми́лости име́я, Христе́ Бо́же, услы́ши моле́ния раб Твои́х. Ты бо еси́ Петро́м Тави́фу воскреси́в, Ты и ны́не в боле́зни лежа́щих (имярек) воздви́гни, послу́шав церко́вных моли́твенник.

Ми́лостиве Го́споди, услы́ши моли́тву раб Свои́х, моля́щихся Тебе́.

Врачу́ душа́м и телесе́м на́шим, понесы́й неду́ги всего́ ми́ра, Христе́, и Ене́я Па́влом исцели́вый, Ты и ны́не боля́щих (имярек) исцели́, святы́х апо́стол моли́твами.

Слава: Преложи́, Христе́, на ра́дость рыда́ние о неду́жних (имярек) скорбя́щих, да Твою́ получи́в ми́лость, вни́дут в дом Твой, со обе́тными дарми́, сла́вяща Тя в Тро́ице Еди́наго Бо́га.

И ныне: Прииди́те, о дру́зи, поклони́мся моля́щеся о боля́щих (имярек) Бо́жией Ма́тери. Та бо име́ет власть неду́жныя исцеля́ти, со безме́здникома вку́пе, духо́вным неви́димо помазу́юще ма́слом.

 

Кондак: Ду́шу мою́, Го́споди, во гресе́х вся́ческих, безме́стными дея́ньми разсла́блену, воздви́гни Боже́ственным Свои́м человеколю́бием, я́коже и разсла́бленнаго воздви́гл еси́ дре́вле, да зову́ Ти спаса́ем: ще́дре Христе́, даждь ми исцеле́ние.

Икос: И́же руки́ Своея́ го́рстию содержа́й концы́, Иису́се Бо́же, И́же Отцу́ Собезнача́льный и Ду́ху Свято́му совлады́чествуя, я́ко пло́тию, яви́лся еси́, неду́ги исцеля́я, и стра́сти очи́стил еси́, слепы́я просвети́л еси́, и разсла́бленнаго сло́вом Боже́ственным совозста́вил еси́, сего́ пра́во ходя́ща сотвори́в, и одр повеле́л еси́ на ра́мо взя́ти. Те́мже вси с ним воспева́ем и пое́м: ще́дре Христе́, даждь ми исцеле́ние.

 

Песнь 7.

 

Ирмос: Пре́жде о́бразу злато́му, перси́дскому чти́лищу о́троцы не поклони́шася, трие́ пою́ще посреде́ пе́щи: отце́в Бо́же, благослове́н еси́.

Ми́лостиве Го́споди, услы́ши моли́тву раб Свои́х, моля́щихся Тебе́.

О Кре́сте Пресвяты́й Христо́в, Честно́е Дре́во живо́тное, тобо́ю смерть поги́бе и ме́ртвии воскресо́ша, и ны́не боля́щих (имярек) исцели́ и оживи́, я́коже при Еле́не уме́ршую деви́цу.

Ми́лостиве Го́споди, услы́ши моли́тву раб Свои́х, моля́щихся Тебе́.

До́лгую и лю́тую боле́знь И́овлю на гно́ищи и в че́рвех того́ моля́щася, слово́м исцели́л еси́, Го́споди. И ны́не же в Це́ркви о боля́щих (имярек) мо́лим Тя: я́ко благ исцели́ неви́димо моли́твами святы́х Твои́х.

Слава: Вси ве́мы, я́ко умре́ти нам есть, Тебе́ Бо́гу та́ко изво́лившу, но на ма́ло вре́мя, Ми́лостиве, здра́вия про́сим боля́щим (имярек), премени́ от сме́рти на живо́т, даждь скорбя́щим уте́ху.

И ныне: Посо́бствуй и помога́й на́шему сиро́тству, Богоро́дице, Ты бо ве́си вре́мя и час, егда́ умоли́ти Сы́на Твоего́ и Бо́га на́шего, да́ти боля́щим (имярек) здра́вие и проще́ние от всех грех.

 

Песнь 8.

 

Ирмос: Служи́ти живо́му Бо́гу, в Вавило́не о́троцы претерпе́вше, о мусики́йских орга́нех неради́ша, и посреде́ пла́мени стоя́ще боголе́пную песнь воспева́ху, глаго́люще: благослови́те вся дела́ Госпо́дня Го́спода.

Ми́лостиве Го́споди, услы́ши моли́тву раб Свои́х, моля́щихся Тебе́.

Ми́лость покажи́, Влады́ко, в боле́знях рабо́в Твои́х (имярек), и ско́ро исцели́, ми́лостиве Христе́ Бо́же, и еще́ сме́рти не преда́ждь су́дней, да Ти покая́ние воздаду́т. Сам бо рекл еси́: не хощу́ сме́рти гре́шничи.

Ми́лостиве Го́споди, услы́ши моли́тву раб Свои́х, моля́щихся Тебе́.

Го́споди ми́лостиве, Твоя́ пресла́вная чудеса́ да и до нас ны́не дости́гнут: бе́сы прожени́, неду́ги погуби́, ра́ны исцели́, боле́зни уврачу́й, и потво́ры и чароде́яния, и вся́кие я́зи изба́ви ны.

Слава: Запрети́вый, Христе́, морски́м ве́тром, и страх учени́к на ра́дость преложи́вый, запрети́ и ны́не тя́жким боле́знем, тружда́ющим рабо́в Твои́х (имярек), да вси возвесели́мся, хва́ляще Тя во ве́ки.

И ныне: Изба́ви, Богоро́дице, от обыше́дших ны печа́лей, разли́чных неду́г, отра́вы же и чароде́йства, и бесо́вского мечта́ния, и от наве́та злых челове́к, и напра́сныя сме́рти, мо́лим ти ся.

 

Песнь 9.

 

Ирмос: На Сина́йстей горе́ ви́де Тя в купине́ Моисе́й, неопа́льно огнь Божества́ заче́ншую во чре́ве; Дании́л же Тя ви́де го́ру несеко́мую, жезл прозя́бший, Иса́ия взыва́ше, от ко́рене Дави́дова.

Ми́лостиве Го́споди, услы́ши моли́тву раб Свои́х, моля́щихся Тебе́.

Исто́чниче жи́зни, пода́телю, Христе́, ми́лости, не отврати́ лица́ Твоего́ от нас. Обле́гчи боле́зни утружде́нным боле́зньми (имярек), и воздви́гни я́ко Фадде́ем А́вгаря, да при́сно Тебе́ сла́вят, со Отце́м и Святы́м Ду́хом.

Ми́лостиве Го́споди, услы́ши моли́тву раб Свои́х, моля́щихся Тебе́.

Ева́нгельскому ве́рующе гла́су, Твоего́ и́щем обе́та, Христе́: проси́те, рекл еси́ бо, рече́, и да́стся вам. Тем и ны́не предстоя́ще мо́лим Тя, возста́ви со одра́ здра́вих лю́тыми пове́рженых неду́гами (имярек), да Тя с на́ми вку́пе велича́ют.

Слава: Му́чимии неду́гами, внутрь неви́димыми ра́нами, Тебе́, Христе́, с на́ми вопию́т, не нам, Го́споди, не нас ра́ди, вси бо испо́лнены грехо́в, но Ма́терними Ти и Предте́чевыми моли́твами даждь исцеле́ние боля́щим (имярек), да Тя вси возвели́чим.

И ныне: Бо́жия Ма́ти Пречи́стая, со все́ми святы́ми призыва́ем Тя, со А́нгелы и Арха́нгелы, со проро́ки и патриа́рхи, со апо́столы, с преподо́бными и пра́ведными моли́ся Христу́ Бо́гу на́шему да́ти здра́вие боля́щим (имярек), да Тя вси велича́ем.

 

Катавасия: Сохрани́ от ско́рби, от боле́зни, от неду́га тя́жкаго рабо́в Свои́х боля́щих (имярек), Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Иису́су.

 

Молитва

 

Бо́же си́льный, ми́лостию стро́яй вся на спасе́ние ро́ду челове́ческому, посети́ рабо́в Свои́х (имярек), нарица́ющих и́мя Христа́ Твоего́, исцели́ их от вся́каго неду́га плотска́го и душе́внаго; и отпусти́ грех, и грехо́вные собла́зны, и вся́ку напа́сть, и вся́ко наше́ствие неприя́зненно дале́че сотвори́ от рабо́в Твои́х. И воздви́гни от одра́ грехо́внаго, и устро́й их во Святу́ю Твою́ Це́рковь здра́вих душе́ю и те́лом, и де́лы до́брыми сла́вящих со все́ми людьми́ и́мя Христа́ Твоего́, я́ко Тебе́ сла́ву возсыла́ем, со Единоро́дным Твои́м Сы́ном, и со Святы́м Ду́хом ны́не и при́сно и во ве́ки веко́в. Ами́нь.